बापला बिन्ती एहोब
कूल्ही-कूल्ही ते दँडा आगु काते सेटेर एना को कुड़ी ओड़ा। छमडा लातार रे कुड़ी पहटा माझी बुसुब पटया आटेद काते बारयात को सांव समां दापराम दुडूब काते को गोड जोहार केदते पूंगी कोको सियूद केआ आदो को एहोब केआ बिन्ती ।
होय बाबा बाको मेन लेआ नोडे मेनाया अजोन माझी हाँडे मेनाया विजय माझी। उनकीन दो तोल हाथ कीन उपर केआ, उपर हाथ कीन तोल केआ बाबा तोबे मिद खूड़का अन्तर रे बाबोन हेज सेन दाड़ेयादआ। मिद मयांते आतू होड़, मिद मादे रे तार्हेन होड़ मेन तेको मेन लेआ बाबा तोबे जेल तियू चे लागा तियू काथा दो बां काना, लूतुर तेबोन आँजोम आकाद, कान गोचोर रेबोन दोहो आकाद मेन तेको मेन लेआ बाबा।
होय बाबा बाको मेनलेआ तोबे होर-बिरतेपे हेज एना, तोबे लाज हासु बोहोः हासु कोदो चेद लेका मेना बोना। होय बाबा बाको मेनलेआ, गाडा आडे सेदरे रेहेद सेंदेद ले ला केआ, ऊखूड रेले हुडूंग केआ आर खाला:-फुडू ले ञू केआ बाबा तोबे लाज् हासु बोहोः हासु कोदो ले बुगी बाड़ा गेया बाबा।
होय बाबा बाको मेन लेआ अचार झोअ अचार गे बिचार झोअ बिचार गे, माबला झोअ माबला गे, दुःख झोअ दुःख ग सुख झोअ सुख गे, मेन तेको मेनलेआ बाबा।
होय बाबा बाको मेन लेआ बापला झोअ बापला गे, बेहा झोअ बेहा गे, जाटिकेन कोड़ाम हुतुम केम बोड़ा, लाड़का बोहो: चेड मेन तेको मेन लेआ बाबा। जेल तियू चे लागा तियू काथा दो बां काना, लूतुर तेबोन आँजोम आकाद कान गोचोर रेबोन दोहो आकाद मेन तेको मेन लेआ बाबा।
होय बाबा बाको मेन लेआ जेसे-केसे किसुन माझी लिपो- थोपो जोगोत माझी गाल मारते मोदोन माझी मेन तेको भेल बाबा। अेल तियू चे लागा तियू ता काथा दो बां काना, लूतुर तेबोन आँजोम आकाद कान गोचोर रेबोन दोहो आकाद मेन तेको मेन लेआ बाबा।
सेरेंज
ताहाँ रेता नाना तारना ताहाँ रेता नाना हो
ताहाँ रेता ना नाना जे। मुग चुटा धोबो ढूंटी अनाइते
पोतोर भालाजोम तुलायलोम हे।
सेहो पोतोर आनी बाबा
दोना बाबा जोय टिपायलोम हे। सेहो दोनाय देशा कुटुम के मोदो पियायलोम्।
चायरो कुने देशा कुटुम जे घुरे बसि छे।
माड़ाङ सेद पाड़हाव ला़गित comments पे
0 टिप्पणियाँ:
एक टिप्पणी भेजें